ਗੁਰੂ ਨਾਨਕ ਦਾ ਸਤਿਕਾਰ

ਭਾਵੇਂ ਉਸਨੂੰ ਨਾਨਕ ਆਖੋ, 

ਭਾਵੇਂ ਗੁਰੂ ਜਾਂ ਬਾਬਾ।

ਨੀਅਤ ਨਾਲ ਹੀ ਬਣਦੇ ਅੰਦਰ,

ਹਰੀ ਮੰਦਰ ਜਾਂ ਕਾਬਾ।

ਸਾਹਿਬ ਆਖੋ, ਦੇਵ ਕਹੋ

 ਜਾਂ ਪੀਰ ਕੋਈ ਪੰਜ-ਆਬਾ।

ਨਾਹੀਂ ਜਾਪੇ "ਪਾਤਿਸ਼ਾਹ"

 ਦੇ ਕਹਿਣ "ਚ ਕੋਈ ਖਰਾਬਾ।

ਨਾਂ ਨੂੰ ਲਾ ਲਓ ਕੋਈ ਵਿਸ਼ੇਸ਼ਣ,

ਭਾਵੇਂ ਬੇ-ਹਿਸਾਬਾ।

ਅਮਲਾਂ ਬਾਝੋਂ ਇੱਜੱਤ ਦਾ, 

ਇਜ਼ਹਾਰ ਹੈ ਸ਼ੋਰ-ਸ਼ਰਾਬਾ।

ਜਦ ਵੀ ਉਸਦੀ ਦਿੱਤੀ ਸਿੱਖਿਆ ,

ਜੀਵਨ ਵਿੱਚ ਅਪਣਾਈ।।

ਸਮਝੋ ਫਿਰ ਗੁਰ ਨਾਨਕ ਦਾ,

ਸਤਿਕਾਰ ਹੋ ਗਿਆ ਭਾਈ।।

ਡਾ ਗੁਰਮੀਤ ਸਿੰਘ ਬਰਸਾਲ(ਕੈਲੇਫੋਰਨੀਆਂ)408-209-7072

gsbarsal@gmail.com